Ethiopian Democratic Party

ለሁለት ወራት ያህል ተደራድረው የሥምምነት ሰነዶችን በፊርማቸው ያጸደቁት አራቱ ፓርቲዎች (ማለትም፤ ኢዴፓ፣ ቅንጅት፣ መኢአድና ኢህአዴግ) በቀጣይነት ሊደራደሩባቸው ከመረጧቸው አጀንዳዎች መካከል፤ “በፖለቲካ አመለካከታቸው ምክንያት የታሰሩ፣ ከሥራና ከመኖሪያቸው የተፈናቀሉ፣ ዛቻ ማስፈራራትና እገታ የደረሰባቸው እና በተለያዩ ክሶች በየፍርድ ቤቱ የሚመላለሱ የተቃዋሚ ፓርቲ አባላትንና ደጋፊዎችን በተመለከተ” በሚለው አጀንዳ ላይ ቀጣይ ድርድር መጀመራቸውን ከኢዴፓ የውጭ ግንኙነት ያገኘነው መረጃ አመለከተ፡፡

ተቀማጭነታቸው በአዲስ አበባ ከተማ የሆኑ የሁለት አገሮች አምባሳደሮች ከኢዴፓ ከፍተኛ አመራር ጋር ንግግር ማድረጋቸውን ከፓርቲው ጽ/ቤት ያገኘነው መረጃ አመለከተ፡፡ እንደ ዜና ምንጩ ከሆነ፣ የኢዴፓ አመራር ከጃፓን እና ከኖርዌይ አምባሳደሮች ጋር በተናጠል በተደረገ የምሣ ግብዣ ላይ ውይይቱን ማካሄዳቸው ታውቋል፡፡

ጥቅምት 20 ቀን 1992 ዓ.ም የተመሰረተው የኢትዮጵያውያን ዴሞክራሲያዊ ፓርቲ (ኢዴፓ) አስረኛ ዓመት በአባላቱ ታስቦ መዋሉን ከፓርቲው የውጭ ግንኙነት ያገኘነው መረጃ አመለከተ፡፡ የዜና ምንጩ በላከልን ዘገባ መሰረት፣ በአዲስ አበባና አካባቢዋ የሚገኙ አባላት ዕሑድ ዕለት ባደረጉት ሳምንታዊ ስብሰባ ፓርቲው የተመሰረተበትን ዕለት ምክንያት በማድረግ ባለፉት አስር ዓመታት የታለፉ ውጣ ውረዶችንና አሁን የተደረሰበትን የትግል ሁኔታ በተመለከተ አጭር ትውስታና ቅኝት ማድረጋቸው ታውቋል፡፡

የፖለቲካ ፓርቲዎች የስነምግባር ደንብን መፅደቅ በተመለከተ ከተደራዳሪ ፓርቲዎች የተሰጠ ጋዜጣዊ መግለጫ

የፖለቲካ ፓርቲዎች በምርጫ ሥነምግባር ደንብና በደንቡ ማስፈጸሚያ መመሪያ ላይ ባደረጉት ድርድር ስምምነት የተደረሰበት ሰነድ

ኢዴፓ፣ ቅንጅት፣ መኢአድና ኢህአዴግ ላለፉት ሁለት ወራት ተደራድረው የተስማሙበትን ሰነድ በዛሬው ዕለት የተፈራረሙ መሆኑን ከኢዴፓ የውጭ ግንኙነት ያገኘነው መረጃ አመለከተ፡፡

ኢዴፓ፣ መኢአድ፣ ቅንጅትና ኢህአዴግ ላለፉት ሁለት ወራት ተደራድረው በጋራ ስምምነት የተቀበሏቸው ሁለት ሰነዶች በውስጣቸው በርካታ ጉዳዮችን የያዙ መሆኑ ታወቀ፡፡ እነዚሁ “የፖለቲካ ፓርቲዎች የሥነ-ምግባር ደንብ” እና “የፖለቲካ ፓርቲዎች የሥነ-ምግባር ደንብን በስራ ላይ ለማዋል የተዘጋጀ መመሪያ” በሚሉ ርዕሶች የተዘጋጁት ሰነዶች በ22 ገፆች የተጠቃለሉ ናቸው፡፡