Ethiopian Democratic Party

በሀገሪቱ ያሉ የፖለቲካ ፓርቲዎች የምርጫውን የአፈጻጸም ሂደት በያዘው የጊዜ ሰሌዳ ላይ ያላቸውን አስተያየት እንዲሰጡ በኢትዮጵያ ብሔራዊ የምርጫ ቦርድ በኩል በተደረገው ጥሪ መሰረት የኢዴፓ ተወካዮች በቦርዱ ጽ/ቤት በመገኘት አስተያየት ማቅረባቸውን የፓርቲው የሕዝብ ግንኙነት ቋሚ ኮሚቴ ሊቀ መንበር የሆኑት አቶ ደረጀ ደበበ አስታወቁ፡፡

የኢዴፓ ማዕከላዊ ምክር ቤት ሁለት ተከታታይ ስብሰባዎችን በማካሄድ በመጪው ግንቦት ወር 2002 ዓ.ም በሚካሄደው አገራዊና ክልላዊ ምርጫና በወቅታዊ ሀገራዊ ጉዳዮች ዙሪያ ሰፊና ጥልቅ ውይይት በማካሄድ ውሳኔዎች ማሳለፉን ከፓርቲው የውጭ ግንኙነት ቋሚ ኮሚቴ ያገኘነው መረጃ አመለከተ፡፡

የኢትዮጵያውያን ዴሞክራሲያዊ ፓርቲ (ኢዴፓ) በኢህአዴግና በተቃዋሚ ፓርቲዎች መካከል በሚካሄደው ድርድር በአራት ተወካዮቹ አማካይነት በመሳተፍ ላይ መሆኑን ከፓርቲው የውጭ ግንኙነት ያገኘነው መረጃ አመለከተ፡፡ ኢዴፓን ወክለው በዚህ ድርድር ላይ የሚሳተፉት አቶ ሙሼ ሰሙ፣ አቶ አብዱራህማን አህመዲን፣ አቶ መስፍን መንግስቱ እና አቶ ደረጀ ደበበ መሆናቸውም ታውቋል፡፡

የኢትዮጵያ ሬዲዮና ቴሌቪዥን ድርጅት የፖለቲካ ፓርቲዎች በ2001 ዓ.ም ያከናወኗቸውን ተግባራት እንዲገልጹ ባቀረበው ጥያቄ መሰረት፣ በኢትዮጵያውያን ዴሞክራሲያዊ ፓርቲ (ኢዴፓ) በኩል በዓመቱ የተከናወኑ ተግባራትን የሚገልጽ ሪፖርት ተዘጋጅቶ መላኩን የፓርቲው ጽ/ቤት አስታወቀ።