Ethiopian Democratic Party

መንግስት ለፖለቲካ ፓርቲዎች የሚሰጠው የፋይናንስ ድጋፍ የሚከፋፈልበት ረቂቅ ደንብ በኢትዮጵያ ብሔራዊ የምርጫ ቦርድ ጽ/ቤት አማካይነት ተዘጋጅቶ ፓርቲዎች እንዲወያዩበት በቀረበው ጥሪ መሰረት ኢዴፓ የማሻሻያ ሃሳብ ማቅረቡን የፓርቲው ዋና ጸሐፊ አቶ ሙሼ ሰሙ ገለጹ።

የኢዴፓ ተወካይ በውይይቱ ላይ ተገኝተው አስተያየትና ጥያቄ ያቀረቡ መሆናቸውንና፣ ተጨማሪ ማሻሻያዎች ካሉ በጽሑፍ እንዲቀርብ በተገለጸው መሰረት ፓርቲው ያዘጋጀው ማሻሻያ ለኢትዮጵያ ብሔራዊ የምርጫ ቦርድ ጽ/ቤት የተላከ መሆኑን አቶ ሙሼ አስረድተዋል።

- አቶ ልደቱ ወደ አውሮጳና አሜሪካ አቀኑ

በጥር ወር 2001 ዓ.ም የተካሄደው የኢዴፓ 4ኛ መደበኛ ጠቅላላ ጉባዔ ባሳለፈው ውሳኔ መሰረት፣ እስከ ሰኔ 30 ቀን 2001 ዓ.ም ድረስ በአምስት ከተሞች ህዝባዊ ስብሰባዎችን ለማካሄድ አቅዶ ሲንቀሳቀስ ቆይቷል። በዚሁ ዕቅድ መሰረት በአዲስ አበባ፣ በሃዋሳና በባህር ዳር ከተሞች ውጤታማ ስብሰባዎችን አካሂዷል።

የኢትዮጵያውያን ዴሞክራሲያዊ ፓርቲ (ኢዴፓ) ፕሬዚዳንት አቶ ልደቱ አያሌው በአዲስ አበባ ከሚገኙ የሁለት አገሮች አምባሳደሮች ጋር ውይይት ማድረጋቸውን ከፓርቲው የውጭ ጉዳይ ዘርፍ ያገኘነው መረጃ አመለከተ። አቶ ልደቱ ውይይት ያደረጉት ከኖርዌይ አምባሳደር እና ከጀርመን አምባሳደርና የፖለቲካ ጉዳይ ኃላፊ ጋር መሆኑንም የዜና ምንጫችን ጨምሮ ገልጿል።

የኢትዮጵያውያን ዴሞክራሲያዊ ፓርቲ (ኢዴፓ) ሰኔ 28 ቀን 2001 ዓ.ም በአማራ ክልል በባህር ዳር ከተማ ያካሄደው ህዝባዊ ስብሰባ በተሳካ ሁኔታ መጠናቀቁን ከፓርቲው የውጭ ግንኙነት ዘርፍ ያገኘነው መረጃ አመለከተ። ይህ ህዝባዊ ስብሰባ፤ ኢዴፓ እስከ ሰኔ 30 ቀን 2001 ዓ.ም ድረስ አካሂዳቸዋለሁ ብሎ በዕቅድ ከያዛቸው ስብሰባዎች ውስጥ ሶስተኛው ሲሆን፣ ቀደም ሲል በአዲስ አበባና በሃዋሳ ከተካሄዱት ስብሰባዎች የባህር ዳሩም ስብሰባ ውጤታማ ሆኖ በድል መጠናቀቁ ታውቋል።

የኢትዮጵያውያን ዴሞክራሲያዊ ፓርቲ (ኢዴፓ) እስከ ሰኔ 30 ቀን 2001ዓ.ም ድረስ ለማካሄድ በዕቅድ ከያዛቸው ሕዝባዊ ስብሰባዎች ውስጥ ሶስተኛውን በአማራ ክልል ርዕሰ ከተማ በባህር ዳር የሚያካሂድ መሆኑን ከፓርቲው የውጭ ግንኙነት ዘርፍ ያገኘነው መረጃ አመለከተ።